Cha-hng 我夢著chi̍t-ê kài-sêng 印度王子ê人，伊來chhōe我，講beh kah我生gín-á。彼時ê我chiok kiaⁿ-hiâⁿ，sī-án-chóaⁿ m̄-sī chhōe 別人是chhōe我？我kā講無愛，伊soah iōng kiông--ê，對我pháiⁿ siaⁿ-sàu，強迫我生，而且koh 生4 ê gín-á，thâu-chiūⁿ-á koh làu-the。
老實講，這種感覺bô啥sù-sī，我bōe 佮意人強迫我chò 任何ê代誌。我kah-ì ê 是自由，查某gín-á beh 結婚生囝是家己ê決定，m̄-sī 別人叫阮結婚tō結婚，叫阮生囝tō生囝。我chin幸運生tī hiān-tāi ê Tâi-oân 社會，koh 有疼我ê 爸母，in chiong-lâi bōe 強迫我it-tēng 愛chò 啥，hō͘ 我chiok 大ê發揮空間，chi-chhî 我寫台文，che tō-sī 我目前ê目標，kè-sio̍k 發揮女性ê力量，khiā tī 台語 ê 台仔頂咱ē-tàng 好好á 表現，寫咱女性ê故事！
