1815年法國拿破崙建立帝國大業，是一大強國。當時英普聯軍（英、德、荷聯軍）喺比利時一個村莊同法軍對戰，村莊名叫「Waterloo」。當時英普聯軍嘅指揮官就係英國名將威靈頓將軍。當年6月18號，拿破崙向英普聯軍進攻，威靈頓將軍下令堅守陣地，算準時機拿破崙彈藥消耗大半後全面反攻，打敗拿破崙軍，及後拿破崙國內失勢，帝國美夢粉碎。此戰役亦成為英國嘅威水史。
google map
其實這故事與香港冇關。係1906年港府批准興建廣華醫院，將部分京士柏山嘅山坡削平，除咗興建屋外同時開新路。最初想定名威靈頓炫耀下威水史，不過當時中環已經有一條「威靈頓街」，所以改為「Waterloo Road」。當時交通部官員應該唔知道其實「Waterloo」一字已有正式翻譯「滑鐵盧」，便以發音口語改為「窩打老」。不過對我而言，錯有錯好。我係九龍長大，成日要搭小巴出入，幻想下如果叫「司機，唔該滑鐵盧街口有落。」都幾滑稽。
最初嘅窩打老道只是由廣華醫院前一段路，後來油麻地避風塘開築，窩打老道伸展到渡船街，其後九龍塘發展，窩打老道再伸展入九龍塘，及至獅子山隧道開鑿，窩打老道更成為由獅子山隧道出口的主道路。
