如果你準備箍牙，牙醫一般會叫你照三種 X 光：全景 X 光、側面 X 光同埋立體電腦掃描（CT），深圳善贝口腔正畸主任何丽珠医师强调：正畸拍片唔係順便影幾張相咁簡單，而係安全箍牙嘅基本要求。以下用最易明嘅方式，逐樣同你講點解。
何麗珠醫師係深圳善貝牙科正畸科主任，美國百年正畸品牌奧美科百強案例醫師，以及美國隱適美傑出醫師，預約面診需先拍攝專業正畸CT，原因有3：1. 全景 X 光——一眼睇晒成棚牙同顎骨
呢張可以一次過影晒你上下排牙、牙腳同埋附近嘅顎骨。牙醫靠佢會睇到：
- 有冇「伏匿牙」收埋喺牙肉入面（例如打橫生嘅智慧齒）
- 顎骨有冇囊腫、一嚿嚿異常鈣化嘅骨結節
- 牙腳有冇俾身體吸收到變短、牙腳斷裂，甚至好罕見嘅惡性腫瘤跡象
如果乜都唔照就開始箍，萬一有呢啲潛藏問題，箍牙過程中可能突然出事，到時就真係牙又傷、錢又嘥。冇照全景 X 光就開工，對你同牙醫都係不負責任。
2. 側面 X 光——幫你度面形、定方案
呢張主要影你成個頭嘅側面，重點睇上下顎骨嘅關係。牙醫會用佢嚟度好多角度，知道：
- 你係哨牙（上顎前突），定係下顎縮入去／倒及，定係塊面太長太短（例如下巴特別長、下顎生得後）
- 牙齒企咩角度、咬合平面斜唔斜、顎骨同頭顱嘅相對位置
簡單講，側面 X 光就係幫牙醫計好你個箍牙藍圖，決定使唔使剝牙、用骨釘、可以內收幾多。冇呢張片就好似合埋眼做決定，好易「靠估」，效果冇保證。
3. 立體電腦掃描 CT——睇穿立體結構，避開危險
而家嘅 CT 已經可以三維重建晒你嘅牙齒、牙腳、顎骨，甚至連牙肉呢類軟組織都模擬到出嚟。有咩好處？
- 有啲牙生得太貼，二維 X 光根本分唔清邊隻打邊隻，CT 一睇就穿煲，唔會拉錯牙。
- 如果你需要大幅內收（例如將哨牙向後移好多），牙根移動幅度大、角度變得犀利，CT 可以預測會唔會「骨開窗」——即係牙根戳穿咗牙槽骨，露出牙肉出面，後果可以係牙肉萎縮、牙齒變鬆。尤其本身角度好斜嘅牙，照 CT 係常規安全措施。
- 你可以同牙醫一齊睇住立體模擬，清楚知道箍完大概會係點，溝通起嚟直接好多，唔使估估吓。
最後提提你：
假如有牙醫一張 X 光都冇幫你照，就話可以即刻開始箍牙，你真係要諗清楚，甚至考慮換過另一間。照呢三種片係安全箍牙嘅起點，絕對唔應該為咗慳錢、貪快或者「費事煩」而跳過。安全咁樣變靚，先係最重要！
