今仔日早起參加台語課的校外教學，攏總有3个行程，因為疫情的關係，逐个所在入門口就愛實名制登記，通常我會用手機來掃QR Code，第一站是南瑤宮，我那聽那相翕相，所以手機仔一直提佇手裡。第一站結束，逐家就緊去第二站，路上我閣踅去買番麥，心內暗歡喜，拍算下早的課程煞了後，就會使轉來厝裡食我上愛食的番麥。
拄到第二站，我就揣揹仔底，褲袋仔，衫袋仔，會害啦! 我的手機仔無去矣，越揣越煩惱，第二站無法度入去，嘛無心情留落來，規去就來轉，到厝隨用電腦敲予厝內的人，共逐家講我的手機無去矣，查某囝緊敲看覓，看有人共我抾著無？誠好笑的代誌發生矣，外口傳來我的手機咧叫的聲，啥物! 原來手機仔佇機車的箍仔內。今仔日早起過共若咧洗三温暖，因為我的手機仔拍見一點鐘。
