原味嘅甜品最能食得出食材嘅香味，不過多變口味嘅甜品先係迷人之處
加啲啲可可粉再加啲啲蘭姆酒，散發成熟穩重嘅大人味
加啲啲肉桂粉，就係熟悉嘅獨特氣味
今天小編就帶大家睇下烘焙人氣口味Top2，同點揀調味粉，下次做甜品就可以試下啦！
①|可可粉
可可風味可以話係大人細路都鍾意！一般製作朱古力甜品會用可可粉/調溫朱古力，都可以加一啲朱古力豆/脆片嚟增加口感上嘅層次；其中可可粉多數用於製作蛋糕或者鮮奶油內餡，但如果想做成滑順沾醬、幕斯或著雪糕 小編會建議搭配調溫朱古力使用。可可粉可以分為兩款 ：防潮可可粉同一般可可粉
// 咩係防潮可可粉？ //
第一次聽到防潮可可粉嘅烘友可能會覺得好新奇，但其實防潮可可粉就係指可可脂含量約22-24%嘅高脂可可粉。通常會用於裝飾甜點，例如灑係提拉米蘇上方或松露巧克力外圍嘅可可粉，同防潮糖粉相同，用嚟美化甜點嘅外觀，並避免其快速吸收水分而顯得軟軟黏黏。但因為香港環境相對潮濕，建議係食用前再裝飾！
// 天然可可粉應該要咩風味？//
天然可可粉係果實經多重程序取出可可脂後嘅可可渣，屬於副產物。顏色為啡色，可可粉做成嘅蛋糕會係靚嘅啡色；風味係淡淡嘅朱古力香，如果有焦味就可能唔係天然可可粉喇！
// 可可粉挑選要點 //
1. 無加糖
一般市面售沖泡可可粉都含糖，製作時需額外計算或扣除，否則會影響成品組織同風味；所以烘焙上使用建議購買唔添加糖嘅天然可可粉。
2. 不宜選含有過低或過高可可脂嘅可可粉
雖然高可可脂嘅可可粉香氣較濃郁，但用嚟製作蛋糕嘅話，會容易影響蛋白嘅發泡性，因此建議新手可以選用中脂可可粉。
3. 依欲做品項進行挑選
若食譜中會使用到蘇打粉的話，會建議選用一般天然可可粉而唔係鹼化可可粉。
②肉桂粉
肉桂粉獨特嘅魅力令我愛不釋手，無論係甜品定咖啡，灑少少肉桂粉 質感即刻大大提升；一般市面上嘅肉桂粉分成兩種：中國肉桂同錫蘭肉桂，因為錫蘭肉桂嘅味道較唔強烈，且細緻香甜氣息中帶有一絲花香
// 保存方法 //
肉桂粉同一般粉類，怕潮濕須妥善保存，建議要放係密閉性好嘅容器中，建議搵一個密封鐵罐或著玻璃罐保存。
