有一句：「愛別人，佮愛家己仝款。」
講這句的人，想講逐个人一定愛家己比愛別人較濟。無一定喔！有的人干焦會曉愛別人，為別人做真濟代誌，袂曉愛家己，無照顧家己。
我的朋友進前佇清潔公司學摒掃的時，公司的人教伊：「掃客戶的厝，當做掃家己的厝內仝款。」我的朋友無同意這个講法。講的人料想逐个人攏共家己的厝內摒甲真清氣，共客戶的厝當做家己的厝摒就沒問題啊！
無一定喔！有的人家己的厝內亂操操，閣垃圾，摒別人的厝摒較誠清氣。
以前，我的大兄是室內設計師，共客戶的厝內成格甲真媠，家己的厝內凊彩蹛。有的人佇外口佮內面的情形無仝款，差真濟。
（2024.2.25.）
