出發去英國之前，睇過之前係英國工作假期嘅台灣⼈寫嘅blog，寫低左幾個由倫敦出發⼀⽇遊嘅城市，等到時返⼯weekend放假去呢啲地⽅玩。嚟到⼤約⼀星期，⼯作就未搵到啦，⽽住宿就決定左，所以就襯呢個空檔，出及發去第⼆個城市⾏⼀趟。
「為何英國自由行第一站是⽜津？」
選擇⽜津就有兩個原因的。第⼀個原因就距離我居住的地⽅接近，由我居住喺⻄倫敦嘅Ealing，搭火⾞去⽜津只須⼀個小時多少少，雖然途中都要轉兩次⾞，但係每次轉⾞嘅等候時間都係好短，所以都算無縫轉⾞。⽽我⽤嘅鐵路卡仲可以喺非繁忙時段有33%嘅優惠，所以我⾒到有空閒時間就⼆話不說買咗⾞⾶去⽜津啦。
第⼆個原因就係由細細個就聽過⽜津⼤學，我就冇本事去⽜津⼤學度讀啦，但係我都想睇吓呢間⼤學同社區融入埋⼀⿑係到底咩⼀回事。
「旅行是段與自己獨處的時光」
去到⽜津當⽇，⼀直都落住⽑⽑細雨。我已經比平時喺倫敦着多咗衫，但都覺得唔夠暖。落咗火⾞後，沿着⼤街⾏去Oxford嘅市中⼼，就覺得成個城市嘅建築同埋氣氛相比係倫敦好唔同。倫敦的建築英式得來帶點Modern，而去到Oxford就覺得佢哋嘅建築顏⾊都好⼀致，都係淺啡帶點米⾊嘅建築。⽜津唔同嘅學院就穿插喺市內唔同嘅地⽅入⾯。其實究竟有咗校園之後，先發展其他商業嘢，還是本來佢就係咁樣規劃。對我呢⼀個由香港嚟嘅⼈就覺得好新奇，以我認知通常校園都係獨立出嚟，附近好少商業嘅嘢。
沿路都⾒到好多着住Oxford唔同學院⼤褸嘅學⽣，佢哋嘅種族都係來⾃五湖四海，我有⾒到⽩⼈、⿊⼈、華⼈，印度⼈等等。我諗呢個地⽅都可以引證到英國係⼀個多種族，多⽂化嘅國家。
第⼀站我就去咗Covered Market覓食，Market入邊有林林總總嘅舖頭，有傳統嘅炸⿂薯條，有兩餸飯嘅泰國餐，甚⾄有⼀啲中式嘅茶餐廳，我諗就係呢度咩國籍嘅⼈都有，所以就有唔同種類嘅舖頭。但正值午飯嘅時間，所以市場入邊都非常多⼈，我⾒到每間舖頭都⼤排長龍，所以我都係最後出返⼤街簡單食咗個咖喱雞扒飯作罷。
食完午飯，就沿着⼤路向前⾏，⾏咗去Christ Church，呢個教堂係著名電影哈利波特嘅其中⼀個拍攝嘅場地，但我冇預先買咗⾨票，當⽇去到現場所有⾨票已經售罄啦，只好喺⾨外到此⼀遊。
然後我就去咗⼤學城嘅另外⼀邊，去睇著名嘅圖書館同埋嘆息橋。沿路⾒到唔同嘅建築都令我⼤開眼界，由細到⼤都喺城市入邊居住，都冇⾒過類似咁有歷史嘅建築，⽽呢啲建築唔係淨係保育咗好似⼤館⼀棟咁樣，⽽係成區都係有保育，中間你唔會⾒到⼀啲有違和感嘅建築。
最後就去咗National Museum，入到去就好似回顧返細個學過嘅常識同埋科學。由⼤氣層的組成，去到火⼭的形成，甚⾄展出唔同⽣物嘅標本，例如恐龍，鯨⿂等等。
⽜津作為我英國四圍遊嘅第⼀個地⽅，都係⼀個唔錯嘅選擇，⼀嚟交通⽅便，⼆黎⼜可以等我感受下英國唔同城市嘅獨特之處。如果你哋有機會嚟英國倫敦玩，⽜津的確係值得花半⽇嘅時間過嚟⼀遊。
