其實我都唔想一日出咁多篇野, 不過我發現之前打過果D野唔知去晒邊, 可能唔係咁識用呢舊野掛, 反正之前果D冇左都冇所謂啦, 都係D無謂野...
個人一到夜晚個人就會特別多野諗, 唯有係日頭既時候打返d正常野記錄下...
最近因為要搬倉, 所以我返左香港, 係唔使返公司搬倉既時候, 我為左要搵返張機票錢, 我走左去做送外賣, 呢篇日記想講下送外賣d搞笑野.
話說本身我都覺得我唔係窮到要去做送外賣呀?
但係做左之後我發現其實都幾多搞笑野, 仲人工都唔錯添, 起碼我送外賣果陣可以拎住個電話狂撳又唔會比人鬧, 有時仲收到D客會比貼士我, 我試過一日收到$30~$50貼士架, 仲有個個以為d單要搶返黎做? 其實唔使架, 佢指派比你既, 基本上都係等單, 冇單果陣我仲可以搵個地方坐下撳下電話, 又可以做下自己公司野, 其實都幾free...
有時拎外賣餐果陣仲會有餐廳既人請我食野同飲野添, 我試過一日三餐都係餐廳請我食, 又試過有客人落錯地址冇比返個岩既我令我有野食, 又試過個客落完餐之後放飛機唔拎餐, 幾乎只要我返工果日就會有飯食, 結果我返黎香港第一日就去開工開足咁多日, 當然時間唔係長啦, 每個更都係2個鐘左右啦, 平均每日都係開3hr工, 其他時間我都返公司做野, 最好就緊係兩邊做, 賺下錢啦.
之前有朋友問我送外賣會唔會見到熟人架?
其實真係冇乜可能撞到熟人, 同埋你就算係拎住個外賣, 根本冇人睇得出你係外賣仔, 可能我個樣唔似掛, 仲有就係我可以係咁行路, 行路都可以瘦架, 不過瘦左就冇以前咁得意囉...是但啦, 我老婆仲要我既話我到時先肥返囉, 同埋肥瘦都好, 健健康康就得啦.
係我仲行得走得既時候我都會努力工作搵錢, 做返好自己既事先, 正面下啦, 唔好成個日記睇落去都係傷心啦, 有得開工都係開心既事黎既, 苦中作樂啦...因為老婆唔係度, 我都唔想出去玩, 又唔想食好野, 送外賣有野食算係食得好好既.
以上就係我送外賣遇到既野, 可能仲有D未遇到, 有機會遇到新野再發表下啦.
