「創富號」嘅艦橋，同我三年前第一次潛入嚟嘅時候一樣，死寂、冰冷。只有控制台上一排排熄滅嘅指示燈，同埋我手上電筒嘅光柱，證明呢度曾經有過生命。
我嚟呢度唔係為咗探險。我係為咗佢 — — 主能源管道旁邊嗰個，我研究咗整整一年嘅獨立供電模組。根據我嘅計算，只要將第三同第七號接點用我自製嘅超導體短路，就有可能喚醒佢萬分之一秒，讀取到艦體最後嘅航行日誌。我深吸一口氣，金屬嘅鐵鏽味同真空嘅味道混喺一齊。我用鑷子夾起髮絲咁幼嘅導線，對準目標。
「滋啦 — — 」
微弱嘅藍色電弧喺接點之間跳動，比我預期嘅要強烈！控制台上，一個我從未見過嘅、啞黑色嘅方塊突然亮起一盞微弱嘅綠燈。
成功咗？唔係，唔對路！我並冇接通航行日誌，而係意外啟動咗呢個……「黑盒」。
跟住，一把聲音響起。唔係透過空氣，而係好似高頻數據流一樣，直接鑽入我嘅腦海。
「……奇蹟故事館……我要飛走個個成日鬧阿女、完美主義者、要求多多、寫篇故事都改幾十次嘅爸爸！有佢冇我！個名有佢嘅話，我就以後唔幫佢寫嘢！呢個本來就係我哋兩父女一齊合作㗎嘛，依家功勞佢攞曬……所以呢個部落格個名，一定唔可以有佢！所以個奇蹟故事館唔係佢嘅，係我嘅……」
聲音斷斷續續，充滿住強烈嘅數據干擾，就好似一段喺恆星風暴入面錄低嘅求救信號，這信號充斥著戰艦飛行撞擊隕石的巨大聲嚮…
「……爸爸，爸爸……」「……爸爸，我愛你啊……」
聽到呢度，聲音就好似超載嘅處理器燒毀一樣，慢慢扭曲、降頻，最後「唦」一聲，徹底消失。
黑盒上面嘅綠燈，開始急速閃爍，就好似一個就快斷氣嘅人嘅最後心跳。幾秒之後，燈滅了，艦橋重新陷入一片死寂。
我，小麥子，企喺原地，冇好似細路女咁瘋狂搖動佢。我只係冷靜咁望住呢個重新變返死物嘅黑盒，嘴角忍唔住向上揚。
「姐姐，你話你個部落格唔可以有你爸爸個名，點解呀？部落㗎係乜嘢嚟㗎？我唔得㗎！我去到邊度都有我爸爸跟住我㗎！ 」
「呢個奇蹟故事館，真係你嘅？ 咁，仲有咩故事呀？」
然後，我轉過身，望向身後空無一人嘅陰影。
「爸爸，你可以出嚟喇！」
___________________________________________________________________
《小麥子創富號》，一艘在浩瀚宇宙中漂流的船。
它的航程，是為了探索未知，也為了尋找需要被救贖的靈魂，在顛簸的風浪中，為他們提供一個可以安心停泊的棲息地。這是一趟有血有汗、有笑有淚的漂流記，我們將一同見證，一同經歷，最終一同彌補生命中的遺憾。
如果你也想成為我們的一份子，登上這艘船，請即刻按下 [追蹤]。
當下一份《船長日誌》發佈時，你就會收到啟航的通知，絕不錯過任何一個屬於我們的故事。___________________________________________________________________
請繼續追看下一集： 《小麥子創富號漂流記 02》：陰影中的男人
