撰文：藍編
曾經有仔仔同藍編講：「我好鍾意A君，可惜佢係一，撞號一齊唔到。」
聽到呢度不禁有點心酸，亦都有點可惜。係男男matching時，「你係一定零？」，都會成為識新朋友時，其中一句開場白。而一定零，係真係咁重要，定只係一句形式上嘅問候呢？
愛情光譜好闊，並不是兩個數字就可以概括一段關係。就算你係一仔，外界認為比較主動、理性嘅一方，有些時候，都會想被照顧，都會軟弱無助；反之亦然，你係零仔，外界認為比較被動、感性嘅一方，有些時候，都會冷靜決斷，主導事情。更可況，所謂一零，都只適用於床上角色，一段關係不只有床上活動，何需太過在意對方是一還是零。
當然，話雖「能遇上你認為對的人，要打破限制，好好珍惜」，不過真係有需要解決時，都會矛盾大對決，邊個退讓做另一角色之類。不過藍編認為，如果真係彼此相愛，問題自然找到解決方法：可以角色扮演、可以善用情趣工具、可以玩一零之外嘅情愛玩法。太多變化不一一講述，都係嗰句，要維持一段關係，其實有好多可能性，在乎你會唔會打破常規。
見過不少成功例子，Couple撞號，或有一方唔玩一零，但一齊多年、又或者外界不看好，但都一齊多年甚至情訂終生。有時過多限制，反而令自己錯過。不如好好面對內心，如果動心，就勇敢去說出來，就算失敗，起碼都試過。
