有當時仔看選舉、政治新聞，攏會看甲真𤺪（siān），感覺劇情攏差不多！
重點詞彙
【戽水相噴 hòo-tsuí sio phùn】
原意是互相潑水。後延伸兩人打鬧、嬉鬧、打架吵架等，當一方以戲謔的說出「無，咱來戽水相噴啊！」，相近於華語的『你咬我啊』、『打我啊笨蛋』。（點進連結聽阿東發音）
詞彙解析
- 【戽 hòo】有潑水的意思，如同圖中例句；也有把人轟出去的意思，如：「恁閣冤，我就共恁戽戽出去！」；另外，也會用在敷衍了事的語句中，如：「伊攏共代誌凊彩戽戽咧就準過」。
- 【戽斗 hòo-táu】原指農家用來舀水的器具。後延伸指下排齒比上排齒突出的嘴形。
截圖自《教育部臺灣閩南語常用詞辭典》
- 【囡仔頭路 gín-á-thâu-lōo】兒戲，小孩子玩的把戲。近義詞是「囡仔工課 gín-á-khang-khuè」。
- 【話蝨 uē-sat】 語病、話柄，話中的漏洞、缺點。近義詞是「話骨 uē-kut」、「話縫 uē-phāng」。
阿東ê想法
逐改 ê 選舉，政治新聞按怎報、按怎看，差不多就是互相搤空（iah-khang，揭發他人的短處）、批評對方 ê 䆀、譬相對方、冤來冤去，準講是烏白炸（tsuànn，引申為胡說八道）mā 無要緊；閣有逐不時 kā 選舉看做一場「選戰」，若是「相戰」，目標就是「拍贏對方搶著物件」，顛倒毋是「為著人民、執行政見、為社會好」。
對咱人民來講，予咱了解候選人的政見，較贏過看 in 戽水相噴。人民真正想欲知影--ê 是，候選人對社會各方面 ê 看法、觀察、觀點，以及選舉政見，閣有想欲按怎做，毋是欲看恁硞硞為著反對來反對、干焦喝口號講大聲話、烏龍踅桌、抑是請 chatGPT 寫稿講話等等，人民上要意--ê，是政見 ê 實際內容，真正毋通閣變變（pìnn，搞）遐 ê 囡仔頭路矣！！
