呢個post 我打咗2次，唔知點解上一個唔見咗。
話說我而家新老細係差不多70嘅阿伯，1957年，同我老豆同年，有老婆，一仔一女，仔女都成40歲。 佢最近開始成日單獨叫我食lunch，飲coffee同晚餐。我開始都不以為意，但佢放工後的whatsapp好得人驚， 我真係好驚佢對我有意思，whatsapp 叫我唔好咁夜，大雨呀，小心呀，返到屋企未呀，佢知我屬豬，叫我小豬，咁呀，嚇死我。 琴晚約咗我食晚餐，話welcome我加入佢條team，傾談內容正常，但有時有啲動作都好古怪，會拍下我隻腳咁。我已表現好man，成個女漢子咁，堅持唔要佢送我上巴士，佢都有話我好man，成個兄弟咁，似著女裝嘅男人。點擊退佢，好驚呀。
