（本文章用台文白話字、漢羅lām寫方式書寫）
Lò͘-se-a（俄羅斯）侵lio̍k（略）烏克蘭，這tng-sî（當下）leh phah ê戰爭，m̄（不）是chí-ū（只有）hui-tōaⁿ（飛彈）、chhèng-chí（槍彈），siōng（最）重要的就是 chu-sìn（資訊）戰。因為科技ê進步，ta̍k-ke（大家）lóng（都）ē-hiáu（可以）用手機á看消息，這tiō代表宣傳真重要。Chit sî（這時），nā（若）有人beh製造 ké（假）消息，hō͘（給）lán（咱）相信敵人有iâⁿ-bīn（贏面），lán（咱）tiō sǹg（就算）bē su（不會輸），mā m̄-bián（不必）戰就投降--a，敵人甚至bián（不必 ）用一兵一炮就ē-sái（可以）占領台灣。Nā（若）是對敵ê雙方lóng（都）是使用kāng（仝）款語言，án-ne（這樣），資訊戰就koh khah好phah（打），因為是不是假消息tiō（就）koh-khah bô（不）容易分辨。 所以，lán（咱）nā（若）有這種警kak（覺），咱就ē（會）知iáⁿ beh（要） án-chóaⁿ （怎樣）抵抗敵方ê假消息，毋是hō͘（被）人ē-sái（可以）chhìn-chhái（隨便）騙 kah lōng-lōng-se̍h（旋轉）。
目前ê台灣是中國kâm tī（含在）喙--裡，iá-bē（還未）吞 chia̍h（食）落去 ê pûi-bah（肥肉）。 這幾年來，中國一直leh kah全世界宣傳kóng（說），台灣是góa--ê（我的），tī leh（在）「一中架構」ê框架中，啥人lóng（都）bōe-sái（不可以）kah góa（我）中國搶台灣，中國認為，台灣毋是台灣--ê，台灣是中國--ê。過去ê台灣，tī蔣介石ê操作下，聽到--ê lóng是蔣--ê kā（給）lán（咱）放ê假消息，kóng lán是中國人，久--來，台灣人ka-kī（自己）就放棄，bô tiō（要不就）忘記ka-kī（自己）是台灣人。
台灣人七十年來hō͘（被）人教作是中國人，hit kóa（那些）kā（給）lán（咱）教作中國人ê人，koh khah bē（不）認同ka-kī是台灣人，in 自早以來就認同ka-kī是中國人，所以in kah中國人khiā（站）作夥，甘願死mā bô-ài（無愛）作台灣人，in（他們）kan-nā（只要） beh ti̍h（欲要）台灣人ê選票niā-niā。自來in就是壓迫台灣人ê人，頭殼內kah習近平kâng-khoán（同樣），lóng（都）是看民主kap自由ká-ná豬屎。
In認為ka-kī是中國人，作中國人比民主kap自由koh khah重要，所以in nā 聽到台灣人beh（欲）作台灣人，in tiō（就）khí phùi-bīn（憤怒），bē輸lán台灣人欺負in（他們）kàu（到）gōa thiàm（非常多）--leh。 過去台灣人hō͘ in（他們）騙七十kúi（幾）年，kàu taⁿ iah koh有真多台灣的中國人beh（要）壓制台灣人作台灣人，lán（咱）台灣人nā lóng（若都）bô（無）防備，m̄免（不用）10年，lán（咱）tiō（就）ê（會）hō͘（被）人 chia̍h（吃）死死、 吞了了， chhun（剩）bô（無）1 tè（塊）kut（骨），koh khah m̄-bián（不用）kóng（講）siáⁿ-mih 民主kap自由。
為tio̍h ài（要）有台灣人ê認同這點，台灣政府對國家的母語，就應該ài用國防的標準來看待，毋是kan-nā用做人情ê心態來補助。因為使用母語變成是lán（咱）抵抗敵人假資訊ê武器，mā是認同台灣ê重要基礎。
戰爭ê時，真簡單lán（咱）tiō（就）ē-sái（可以）辨識， 若ē-hiáu（會）kóng（講）ka-kī母語的就是ka-kī人，nā bē-hiáu（不會）kóng母語的人，就不是ka-kī人，這不是尚重要的分別嗎？台灣人講台灣話，講原住民話 ，講客話，才有法度分辨假消息，分別敵我，án-ne（這樣）mā才有可能建立敵我的意識。
現在台灣一部份的人，tī（佇）台灣大漢，拒絕學台灣ê話，mā bô（毋）beh（欲）做台灣人。按呢（這樣）中國人nā（若）beh（欲）放假消息，beh（欲）統戰台灣，就真簡單。這tiō 表示中國騙咱（lán）台灣人的成本是零，in（他們）ē-sái（可以）kā台灣人放假消息，反正台灣人也分別不出是台灣政府放的消息iah（還）是中國政府放的假消息。咱台灣人已經hō͘中國人屠殺數萬人過--ah，70 kúi（幾）年後，kám-kóng（難道）咱就擱hō͘（被）現在hit邊ê中國人koh再屠殺一pái？
想beh（欲）做中國人的中國人，in（他們）根本tiō無需要學台灣ê話，因為in（他們）的認同就是中國人，戰爭的時，in kap（和）中國tàu khang（合作）放假消息，是tú-hó（剛好）niā-niā（而已），但是lán（咱）若是真正beh（欲）抵抗敵人，咱就愛開始建立清楚ê敵我意識，lán tiō ài學母語。
弱國的人民無悲觀ê權利，tiō chhin-chhiūⁿ（親像、如同）現在ê烏克蘭kâng-khoán（同樣）， ài o̍h（學）ka-kī ê母語，相戰的時，lán（咱）才有châi-tiāu（才能）保護ka-kī（自己）ê國家，才bōe（不會）khì hō͘（被）敵人的假消息哄騙phah（打）倒。
