呢個故事完全係我嘅小小想像，如果你見到咩熟悉嘅地方或者角色，純屬巧合。
我一直都想創造一個屬於自己嘅奇幻世界，所以寫咗呢個小故事……」
[今次故事嘅主角叫瑪利亞，一個剛剛畢業、普通樣貌嘅女仔，高度5尺2寸，佢嘅家長就好似一般家長咁，總係緊張佢搵唔到合適嘅工作……
瑪利亞的媽媽決定去請教一名泰國相士，想睇下自己女兒的前路點行。先介紹呢位相士的來歷,她是一名四十幾歲嘅女士，瑪利亞同佢並唔陌生——其實佢媽媽經常去樓下洗頭鋪洗頭，而洗頭鋪嘅老闆的二嫂就係呢位泰國相士，有時洗頭都見到她,所以早已認識。
因此，瑪利亞決定揀一個星期六，親自去一趟西貢搵呢位相士。
西貢位於香港一個比較偏靜嘅地方，街道唔算熱鬧，但多咗一份寧靜。
瑪利亞小心翼翼咁走入相士嘅家，心裏既緊張又好奇。相士笑住招呼瑪利亞，相士：「坐啦，唔使咁緊張，呢度唔食人嘅。」眼神好慈祥，好似一眼就睇穿咗佢心底嘅疑惑。瑪利亞媽媽（有啲尷尬咁笑）：「佢呀，成日都諗多嘢。」
呢個地方其實好細，只有一間房同一個大廳，空間唔大，卻收拾得好整齊。大廳一角擺住一座神枱，神枱上供奉住一尊觀音像。
觀音係中國人熟悉嘅神明，象徵慈悲同守護。望住嗰尊觀音，瑪利亞原本繃緊嘅心，唔知點解慢慢靜咗落嚟。
神枱上除咗觀音像，仲擺放住鮮花同水果，空氣中瀰漫住一陣淡淡嘅香味。
相士輕聲叫瑪利亞同佢媽媽一齊上香。兩母女照做，心裏不自覺地變得認真起嚟。
上完香之後，相士請佢哋各自坐喺椅子上。不過，出乎意料嘅係，相士一開口並唔係即刻睇相，而係慢慢同佢哋講起閒話。
佢笑住望住瑪利亞媽媽，輕描淡寫咁話：「你成日喺屋企瞓喺張床度，等食飯㗎喎。」
瑪利亞聽到一愣，忍唔住問：「你點解會知㗎？」,因為煮飯的人是瑪利亞
相士笑得更加溫柔，語氣輕鬆，好似講緊一件好平常嘅事：「因為我有時夜晚會飛過嚟睇下你哋呀。」
講完幾句閒話之後，相士終於收起笑容，氣氛慢慢認真起嚟。
佢將一副塔羅牌輕輕放喺枱上，手勢熟練而平靜，然後對瑪利亞講：「你抽一張啦，跟住你嘅感覺就得。」
瑪利亞深吸一口氣，伸手抽咗一張牌。相士低頭望住張牌，沉默咗一陣，之後抬頭笑咗笑，話：「唔使太擔心，你好快就會有工做。」
但出乎意料嘅係，大約兩個星期之後，瑪利亞真係搵到一份工作——一間運輸公司，舖位係地鋪，唔算大，但總算踏出咗第一步。
回想返當日相士講嘅說話，真係好難用理性去解釋。可能有啲事，本身就唔係單靠理性就能夠明白。
時間過得很快,工作咗一年，有一晚，公司入面所有同事都仲未收工。
嗰晚，老闆突然帶住三個男人入嚟。老闆：「你哋坐入面先。」門「咔」一聲關上。其中一個係佢細佬，另外兩個我唔認識。當中有一個年青人特別顯眼，睇落大概未到二十歲。
佢哋冇同其他人打招呼，直接入咗老闆間房，順手關上門。過咗一陣，我隱約聽到入面傳嚟嘅聲音，先知道佢哋原來喺房入面玩賭博。
我當時忍唔住多望咗幾眼，目光停留喺嗰個年青人身上。心裏不自覺地諗——年齡差距咁大，點解會一齊玩？
我冇出聲，只係默默坐喺自己位度做嘢，但嗰晚，總覺得氣氛有啲怪怪地
又過咗一年，公司其中一位同事結婚，佢邀請咗瑪利亞出席婚禮。
婚禮喺酒店舉行，氣氛熱鬧又溫馨。到儀式完結，新人同伴郎、伴娘一齊企喺門口送賓客。
就喺嗰一刻，瑪利亞忽然覺得有啲眼熟——原來係之前喺公司見過、嗰個睇落未到二十歲嘅年青男子。
原來伴郎是未到二十歲嘅年青男子，他及兩位新人一齊向每一位賓客握手、道謝。輪到瑪利亞同新人握手道賀，新人：「多謝你嚟呀。」瑪利亞：「恭喜晒。」佢轉身，同伴郎握手。
點知原來係未到二十歲嘅年青男子呀! 握手嗰一刻，對方嘅目光一直落喺佢身上，冇移開過，時間好似比平時長咗幾秒。瑪利亞嘗試輕輕收返隻手，但對方嘅手仍然握住，冇即刻放開。
瑪利亞仲未反應過嚟嘅時候，站喺年青男子身邊嘅朋友忽然開口，語氣半開玩笑半提醒咁講：「喂，快放手啦。」
嗰一聲好似打破咗短暫嘅停頓。年青男子終於鬆開手，瑪利亞亦都即刻收返隻手，誰瑪利亞嚟講，呢一幕卻改變了她........., 至於嗰位年青男子同瑪利亞之間會有啲乜故事？不必著急。 下次我們再慢慢講這個故事。
