剛剛看到某篇文章說某當紅男星很帥。但是有人回覆他是用智商換顏值。「笨蛋帥哥」。
在於我來說因為那個男星真的很帥、又幾可愛，氣質清爽，睇落都幾舒服。
所以我都忽略他的智商。覺得是但啦，只係人設，認真就輸了。
從而令我諗起前幾天和朋友討論一個問題。話說前幾年又話男人鍾意蠢蠢地嘅女人。但現實生活中。如果女人真係表現得蠢蠢地傻更更絕對會比所有人欺負。
結果男人最後都比強勢聰明嘅女人吃到死死。
最後得到個結論係，「男人唔鍾意蠢女人，絕對會睇唔起比自己蠢的女人。但又唔可以過分聰明，絕對唔可以聰明過自己。」
即係要一個知情識趣嘅聰明但係適當時候會扮蠢嘅女人。 有時俾佢下台階嘅女人就最好。
記得以前喺海洋公園做過part-time 。有個高高瘦瘦皮膚白白嘅o靚仔成日表情都串串共。有一次排隊攞嘢，我排前邊佢咁啱就喺後邊。佢好唔耐煩，咁樣同我講：「行快啲啦，死蠢！」
跟住我都有少少唔高興，我問佢：「你好聰明咩？」
o靚仔有點心虛嘅表情回答：「起碼聰明過你多多聲！」
我當年嘴笨唔識回答，就吃咗大虧。
不過我當時心諗「聰明過我有咩咁有優越感？有咩咁值得自豪？真係好可悲。」
有時俗世嘅聰明，可能要多講一些學術專業用語。「結構」、「數據」、「文案」、「正相關理論」等等…
又或者想表演俾人睇你好高智商，可以托一副眼鏡🤓。用學霸的表情去judge人。
「我認為邏輯有謬誤！」
「你嘅想法太淺層。要深入分析咁睇，根據我分析xxxxxxxx。」
「我嘅論點係Xxxxx!」
呢種表現手法只會出現一啲戲劇或者acg 去表達某一種天才少女、天才兒童的突顯方法。令到觀眾更加容易區別角色嘅特點。
有點像刻板印象中intp 的形象。
（intp 就是mbti 中和愛因斯坦同款的型號。但我身邊的intp 都冇去到咁膠。都只係有啲口賤和重視邏輯，說話中point。好多時都係網上罵戰嘅常客。）
但係如果現實中有人咁樣做，有點「真心膠。」
唔好講笑，我真係見過現實中有人咁做。而且係成年人，並非什麼跳級小天才。
別人說其他話題，例如旅行呀，料理啊，興趣班等等。
他總有辦法把話題圍繞他自己。強調自己工作很能幹，思路很清晰，份人好理智好聰明的。
別人輕鬆交談，他總會加把口說：「我都唔係喎。係咁咁咁咁喎！」
「我覺得自己有時諗得太多，太深入都係好煩惱。自己缺點都係太聰明。」
我自己覺得呢種人好煩厭，言談間不停吹噓自己。他根本冇聽其他人講嘢， 根本無將其他人放喺眼內。
所有話題都係俾佢乘虛而入自吹自擂。
因為都有人講客套說話，說他真的很聰明，很理智，識嘢好多。
但我並不覺得真係咁聰明，因為佢連對方真心讚美同諷刺都唔識分。他只是個種需要「畫功公仔畫出腸」的人。
覺得真正有料有智慧嘅人。係大智若愚。有時可能懵吓懵吓。但係看破說不破。
見過真係好有遠見，諗到好遠嘅人。可能平時就避免講啲太深軸話題。因為會陷入無限焦慮迷思覺得好辛苦。
寧願做一個「馬鹿」。
通常一開口埋口就不停講深軸話題嘅人。通常都比較幼嫩，同埋只係想做俾他人看，表達自己份人好有深度。提升自我優越感嘅表現。
人生已經夠煩呀，仲要講咁多深奧嘅理論。
最後一點。人表現出來的，就像一座冰山。大家見到只會係那冰山一角，冰山背後有一啲好深好深嘅角落都不為人知。所以就胡亂判斷對方係咩人，慢慢觀察也未為遲。
