有的嬰仔出世的時，２種性器官攏有，若佇古早，啥物辦法攏無，伊愛按呢過一世人。
後來，有手術的時代，爸母可能替伊選一个性別，認為伊是查埔，就共查某的性器官手術割掉；選查某的時，共查埔的性器官手術掉。
有當時仔會選毋著，譬喻講，選查某，毋過等伊較大漢的時，查埔的性格出來，彼就是選毋著矣！古早毋驗DNA的技術。
有的嬰兒性器官無明顯，可能伊的陰蒂較膨，較大，產婆想講是查埔的；抑是𡳞鳥較細，勼入去，產婆看做查某的，戶口報毋著，這个囡仔一世人愛佮無著的性別相拍，抵抗別人的眼光佮凌治，嘛足可憐！
遮仔性別選毋著，報毋著的代誌，這馬會使按怎補救？我是無研究。這馬應該無這種選毋著的代誌。
近代，聽講有的爸母拄著這種有２種性器官的情形，２項攏留，無選性別，就按呢大漢。等囡仔成年了後，予伊家己決定。聽講有人無選，就按呢過落去，伊講伊是查埔，嘛是查某。
