嚟到第一日，朝頭早一定係太早
朝一日跟本訓唔到 訓得三個鐘左右就要出發
今次出發係call 85折的士
坐國泰 不過成程都好眼訓
訓訓下食飛機旅唔知點解依家d飛國餐難食咗 普普通通啦
中途訓著醒加加埋埋成3次
坐到patpat都痛埋終於落機
我地大約十二點半到就checkout
又買下電話卡 但唔識set
搞吓搞吓都係比staff搞 咁就一點幾
想講依個T4真係好細 同香港唔同格局
佢將機場斬開咗4舊
而T4只係開咗幾年 所以咩都無
T4如果要坐mtr又要坐serto bus
坐左十分必鐘終於到咗T1
諗住買地鐵飛之際 又卡左成半個鐘
雖然聽以前D人話用現金就買到車飛
但原來佢係上年就開始轉晒做Ez link卡
總知一定要買充值卡 而張卡~30蚊, non refund
谷住買啦只好 搞搞下都半個鐘
好啦終於坐地鐵去到我地住既地方 Rochor
過程車程大約一小時
有個小插曲要屌的
佢中途由機場坐到去轉色線的車
係左右2邊門都開的 而門口都睇唔到係咩方向
變相出左去發現唔岩出口 而唔夠時間去第2邊
咁就GG啦 佢D指示同其他城市比跟本無得比
去到Rochor 老豆都忍唔住發脾氣話出口唔係最近
原來後來先知佢係話要準時食野食藥
題外話
酒店門口前有間生果店
過左2日我地係個到食生果 發現生果都broken幾舊又無得回水
榴槤就普通 唔太有味 叫做咩紅X
我地搵個酒店都搵左陣 因為個大門係則門 招牌又唔太有
搵左一陣終於都checkin
有好多印度人係到 checkin個個人
感覺上好Hea
入到房,發現間房裝修新,簡潔,空間比上像上大, 呀媽話要訓多一陣 所以我同呀爸2個人去發去牛車水 行左陣牛車水 其實都已經下午3點幾 牛車水其實都無咩特別 好似去左女人街咁 但係全部都係賣Dspicy food, 呀爸話唔岩食, 食左陣 終於行到Maxwell, 見到有一間賣kaya tost既, 叫亞坤,味到就幾甜,不過就唔岩老豆食, 所以佢食左2舊就同佢行去 maxwell 熟食中心。 新加坡好興依D熟食中心, 不過一定比香港乾淨好多, 我地是旦用5蚊坡紙買左個細雞飯, 其實其好食,D雞夠林, 之後我地都食唔返咁好食既飯
食左一陣 我地都係坐的士返酒店, 廢事左轉右轉, 因為行到大家都累, 天氣又三十度左右,
我用grab call車, 好快20min返到酒店
返到酒店左右大約5點幾, 決定大家休息一陣, 訓到5點半再決定出發
我地都係坐的士, 坐到去克拉碼頭
感覺上好似澳門個一個 漁人碼頭好似, 都係一D tiff blue, pink, yellow 建築物
行左個圈都唔太特別 我地就去珍寶海鮮露天 食 辣椒蟹
其實隻蟹就幾新鮮,不過個辣味唔太識欣賞, 不過不失
返而炸饅頭同個炒飯就幾好食
食食下落雨, 於是我地搬到去門口位食
餐飲其實就係食服務, 野食CP值比較低
賣單每人都要500 HKD,其實都係隻蟹貴,成8舊水
不過一餐半餐貴就算
食完我地就去遊下船海
一開頭唔係太期待
係出左個克拉碼頭, 睇到市中心建築夜景, 返而開心D.
尢其見到金沙, 係幾係幾令, 而無諗過最開心係依一晚,之後都係soso
我地坐船坐左40min. 就返去了.
第一天都算係咁 不過不失
