我諗咁多年黎, 我第二次飲到咁醉應該係尋晚...
係我有生之年, 我記得第一次飲醉酒係十幾年前, 果陣我係半小時內飲左9杯Black label+綠茶同1杯齋L Tequila, 結果我嘔左兩次, 但係我冇斷片, 我仲記得當時劇情, 即係酒醉三分醒係真的...
尋晚我飲左8杯燒酎+梳打同1杯威士忌+梳打, 不過今次我冇嘔, 只係返到屋企覺得好暈同好累, 如果我再飲應該真係會嘔左, 好彩我仲識返屋企...但點解明明冇嘔我都話我飲醉左?
因為今朝起身我有宿醉既感覺, 如果冇醉根本唔會有呢個感覺, 我憶想返我訓覺之前果一刻, 我係將電話拎去叉電, 然後連電話都冇放好就咁放左係地下就訓著左...到我訓到4點幾醒左既時候我都仲覺得個頭好暈, 即係酒未散, 訓到今朝7點半就覺得個人好重, 呢個感覺好明顯係宿醉既感覺, 我唔鍾意呢個感覺, 但係我鍾意飲左酒之後個腦空白既時候...
其實自從我考左車牌之後我都冇乜飲酒, 因為成日要開車, 我就唔比自己飲酒, 但係黎左日本之後真係好多酒飲, 而且我唔使開車, 基本上我日日飲都唔係問題, 但係經過尋晚之後, 我呢個月我都唔會再飲酒住, 平時飲兩杯係想自己好訓d, 但係尋晚本身都唔係我想飲酒, 只係比酒吧老闆娘拉左入去佢間酒吧度飲酒, 仲要係佢請我飲, 老實講我都係第一次係日本去酒吧.
日本既酒吧好有氣氛, 仲要係d比較舊式少少, 呢個感覺令我好想帶妳黎玩, 我的確無時無刻都諗起妳, 我仲有好多地方想同妳一齊去...
早兩日比左個日記妳, 但係我知妳根本冇睇過, 我唔會迫妳的, 我仍然會打, 我想記錄自己發生過既事...
尋晚4點幾醒左之後我訓返, 果陣我發左個夢, 個夢我好開心, 因為我見到妳, 我跑過去攬住妳, 妳同我講妳唔會再走, 個夢好真實, 但突然鬧鐘響, 將我帶回現實, 我唔想起身, 我唔想夢醒, 我好想以後都係呢個夢度, 我覺得呢個世界好累好辛苦, 只要我一日仲在世, 我就要撐落去, 現實真係令人好痛苦...我唔知點做先叫正確, 迷失左個人...
另外尋日有個日本網友想約我出去食飯, 一開始我覺得無問題, 反正我一個人係日本真係日日都只係食特價飯, 但係佢同我講食完飯之後想帶我去一個會令我好舒服既地方, 我拒絕左佢之後, 佢就block左我了, 哈哈...果然男人真係長期用下體思考, 這是無分國籍的.
而家得返我一個人, 好多野都唔會去食, 有人叫我出去食飯其實我真係好心動, 但係有下場既我就不了, 真係比人溶左都唔知咩事.
今日係星期三, 食拉麵送芝士飯限定, 我收工就會去食.
