「伯公脣項个細貨車」
亻恩屋下行路差毋多十分鐘有兩間伯公， 一間係雙連伯公廟，另一間係伏伯將軍廟。 廟个後背就係國小，逐日朝晨就會看著幾下亻齊做忒運動个人在該點香拜拜。 逐日朝晨會有一個阿姨駛等細貨車，停在廟脣項賣早餐， 有水粄仔、饅頭、包仔、粽仔還有飯糰這兜，賣當多樣早餐。
「逐朝晨个活力來源」
記得高中時節逐日愛赴車去學校， 行在廟面前過就會用手拜拜，然後在脣項个細貨車買早餐。 亻厓逐擺盡好食厥玻璃菜包，包仔裡肚係淰淰炒到當軟个玻璃菜， 鼻起來當香，口涎水強強會流下來吔🤤 食一隻玻璃菜包摎一杯豆奶，一隻朝晨就毋會肚枵。 有成時昶晝去無菜包好買吔，就會買厥饅頭。 有原味摎烏糖兩種。 有成時想愛食別樣，乜會買厥水粄仔來食，有分鹹个摎甜个。 起先亻厓大體就會買甜个水粄仔來食，毋過逐擺食忒當遽就會枵了， 故所就換買鹹个水粄仔， 水粄仔頂項有頭家娘自家炒个豆腐干摎快菜還有蘿蔔干，正過啉豆油上去， 哇！該係一等好食！
「人客變朋友」
因為逐日朝晨就會去買早餐个關係， 頭家娘逐擺看著亻厓就知亻厓今晡日愛食麼个了， 有成時東西較遽賣忒， 就會同亻厓講： 「今晡日饅頭賣忒了，還係你愛食兜其他麼个？」 「今晡日菜包賣忒了，還係你愛食兜其他麼个？」 就算行在該過無買早餐，亻厓乜會摎頭家娘相借問，買了幾下年了既經當熟識。
「食个毋單淨係味緒乜係回憶」
高中畢業過後因為愛準備考試， 逐日就在圖書館讀書較多，乜毋使逐朝晨赴車去學校，就較無去該餐車買早餐了。 到了大學乜單淨寮日轉去定定，加上寮日無恁早足亢，故所當久無買了。 幾下年前開始，阿婆逐日朝晨就會去伯公點香拜拜， 拜忒會順續去餐車買兜飯糰做阿爸个早餐，讓佢帶去公司食。 有成時寮日足亢床堵好堵著阿婆拜拜轉來， 就會順續問講：「愛食水粄仔無？亻厓去買。」 雖然這下餐車無賣恁多東西了，毋過久久食到水粄仔還係當昶！ 亻厓食个毋單淨係味緒乜係回憶。 前一駁仔摎頭家娘在該打嘴鼓， 佢講：亻厓來這片賣吔三十三年吔！算起來乜賣當久吔。 ———————————————————————————————————————————— 我們家走路十分鐘的路程有兩座伯公廟，一間是雙連伯公廟，一間是伏波將軍廟。 廟的後面就是國小，每天早上就會看到幾個運動完的人去點香拜拜。 而每天早上都會有一個阿姨開著小貨車，停在廟旁賣早餐， 有水粄、饅頭、包子、粽子還有飯糰這些，賣很多種早餐。 記得高中的時候每天都要趕著搭學校的專車到學校， 經過廟的時候就會用手拜拜，之後趕快在旁邊的餐車買一些早餐。 我每次都會買高麗菜包也最喜歡吃，裡頭是滿滿炒的很軟又很好吃的高麗菜！ 聞起來超香，一想到口水都快流下來了， 吃一個高麗菜包再配上一杯豆漿，就可以撐到中午吃飯。 有時候太晚去高麗菜包已經賣完了，我就會買餐車的饅頭， 饅頭分成原味跟黑糖兩種口味，也都很好吃。 有時候想要吃點別的也會買水粄來吃，一樣有分甜的跟鹹的， 一開始我大部分都是買甜的水粄來吃，但都很快就餓了， 所以之後就都買鹹的水粄來吃， 鹹水粄上面有老闆娘自己炒的豆干、韭菜還有蘿蔔乾，最後再淋上醬油， 哇！真的非常好吃！ 因為每天早上都會去買早餐的關係，老闆娘每次一看到我就知道我要吃什麼， 有時候食物比較快賣完就會跟我說： 「今天饅頭賣完了，還是你要吃水粄？」 「今天菜包賣完了，還係你要吃饅頭？」 就算只是經過沒有要買早餐，我也會跟老闆娘打個招呼，已經買了好幾年所以彼此都很熟了。 高中畢業之後因為要準備考試， 每天都去圖書館讀書，也不用趕著搭學校的專車了，所以比較少去餐車買早餐， 到了大學也只有假日才回去，加上假日也沒這麼早起，所以很久沒有買了。 幾年前開始，奶奶每天早上都會去伯公廟點香拜拜， 拜完就會順便去餐車買飯糰讓爸爸當成早餐，帶去公司吃。 有時候假日起床剛好遇到奶奶剛拜拜完回家， 就會順口問說：「要吃水粄嗎？我去買。」 雖然現在的餐車沒有賣這麼多樣種類的早餐了，但久違吃到水粄還是很快樂， 吃的不僅是味道也是回憶。 前陣子跟老闆娘聊天， 她說:我已經來這裡賣早餐三十三年了，算起來也很久了。
