中華民國113歲是75歲以上中華人民共和國的人的祖國。
變變變，人變蟲，中華民國變中國祖國。無台灣袂要緊,共中國豆腐食夠夠,予中國雞嘴變鴨嘴。
賴清德總統佇中華民國國慶講，中華民國是中華人民共和國七十五歲以上人的祖國論述，真正是高招，引起逐家討論。台灣民主行到taⁿ，雖然不滿意，但是總統對國家認同ê說法，愈來愈óa(倚)咱台灣主體性，現在koh共中國「小粉紅」軍1 ê，看了真樂暢。
蔡英文講，台灣是七十五年的中華民國，現在賴清德這個台獨金孫跳脫中華民國對台灣統治七十五年的kheng，直接講佇台灣七十五年的中華民國其實是113歲，是in中國阿公阿嬤的祖國。對台獨派來說，台灣就猶未出生，現在煞是中國老人的祖國，好氣也好笑。
當然政治是嚴肅ê,咱按怎看待自己kap事實上發生的代誌，其實不一定符合。雖罔台灣人無國際上予人承認，但是會使予中國阿公阿嬤喝做是祖國，這mā是真趣味的代誌。照賴清德的講法，中國有兩個，中國祖國是台灣中華民國。中國毋免承認咱，不過ài先叫咱台灣中華民國是祖國，這是歷史事實。
照中國講法，華獨就是台獨，台灣沒法度現此時改名，就予咱先借中華民國來代替台灣台獨。世界確實是無台灣這個國家，但是台灣中華民國的護照會使毋免簽證行透世界百寡國，mā是世界奇蹟。
台灣共和國kap中華民國對中國來說攏是台獨，in無佮意聽，無先叫恁祖媽祖國，咱先將兩個中國共世界講清楚，台灣是中國的祖國。這個名聲共phah 予響，若欲phah台灣就是phah in祖國。這個世界咱干焦bat聽普丁講祖國欲收復過去有統治過ê失土，雖罔早就簽約講好分出去阿，khah毋bat聽人囝孫beh收復m̄ bat統治過ê祖國。
M̄ bat 統治過的土地， 想講講久阿就是in ê, 這就是積非成是，這就是侵略。講起來in祖國逃亡來台灣，是台灣有khah 衰，不過tuh 著阿，台灣就無法度閃避，只有面對中國人，先做in祖媽，將來才款款來誕生台灣共和國，這不但是一種精神上的勝利，也是民主國家漸漸說服人的一種態度。和平無簡單，對今阿日開始，台灣毋是中國的小弟，咱是in 祖媽。
