其實我已經食完正餐😛，但天氣一凍，身體就好似自動提醒我要「儲脂肪」。行行下又忍唔住兜多個圈，心諗：不如食埋啲甜品先返屋企啦。就係咁，我又走咗去 蕉積妹。

蕉積妹香蕉煎餅：一秒帶我返泰國夜市

同我記憶中喺泰國食到嘅味道好接近，外層香脆，中間軟熟，最重要係——真係有香蕉，不係薄薄一片敷衍了事。

勁多口味選擇，每款都好吸引

蕉積妹嘅香蕉煎餅抹醬選擇真係好多，由經典嘅煉奶、朱古力、花生醬，到 hazelnut、華田味，仲有新出嘅開心果醬。揀到有啲選擇困難，但最後我都係忍唔住要咗 開心果味。

抹醬鋪得好厚，切開之後，中間包住成條香蕉😍，甜度好剛好，完全係 sweet teeth 嘅最愛。而且佢會切成一細格一細格，用叉食好方便，唔會食到一手都係。

想平衡味道？鹹食＋飲品都配得好

食完甜嘢，覺得條脷想轉下口味，我就順手點咗份炸燒賣。外脆內軟，作為甜品後嘅鹹食平衡得啱啱好。再加一杯 lime soda 😜，清清地，解甜又解膩。

食客角度總結：蕉積妹係會想再返去嘅甜品店

以一個普通食客嚟講，蕉積妹唔只係「想試下」嘅小店，而係食過之後，真係會記住、會再想返去嘅地方。無論你係食完正餐想補個甜，定係突然好想念泰國香蕉煎餅嘅味道，蕉積妹都好值得一試。