會講台語還不夠，教你用台語寫小吃！
七月15日（星期日）起，一連五週，我會在紀州庵文學森林進行台語文寫作課，主題就是「用台語寫小吃」！每個禮拜會有一個主題小吃，課程中除了閱讀，也會有「田野調查」──這馬已經食過滷肉飯、蚵仔麵線、四神湯佮礤冰。
歡迎來報名（請點連結）。五堂寫作課剩下最後一改，上課吃小吃，每個人都能寫出有趣又道地的台文散文，留下台文中最有魅力的氣口（khuì-kháu）！鹹酥雞（kiâm-soo-ke/kue）
半暝枵甲擋袂牢，淺拖仔知影按呢毋著，猶原去做這件對家己不住的代誌：去買萬惡的鹹酥雞來食。
攕仔那攕來食那聽放送，一條英語老歌奏出來：I don't want to talk about it，唱的是Rod Stewart，梢聲的歌喉是真有味，淺拖仔就浸佇咧有影厚的氣氛中。
這時，歌詞來到“Blue for the tears, black for the night's fears.“予伊頭殼內底的靈感透過耳空和喙空、鼻空的氣味牽做伙，隨共白紙捎來，寫伊的鹹酥雞短詩：
鰇魚：粉滒予齊勻，肉和喙齒來對扴。
米血：米袂輸目屎，烏烏好食流目屎。
豆乾：四角切細條，落油鼎隨膨獅獅。
雞尻川：怪味予人驚，糋酥糝粉第一名。
大同仔：青是重口味，和鹹酥雞拚輸贏。
九層塔：旗軍仔跤數，壓後成做大腳數。
馬鈴薯條：kha-tsuh kha-tsuh kha-tsuh kha-tsuh kha-tsuh kha-tsuh⋯⋯
