有時做人真係要面對現實，唔好咁離地先得。
自古以嚟，一個成功嘅人士，佢哋都係憑佢有驚人嘅堅持、超脫嘅視野、廣結良好嘅人脈⋯⋯但都唔表示佢係有發達嘅一日。成日都有人用以下呢個比喻：
「新界啲牛夠勤力喇，咪又係勞碌一世，跟住俾人棄養⋯⋯」
聽慣聽熟嘅人，其實佢哋都唔知後面仲有下一句：
「⋯⋯但宜家啲牛不知幾咁自由自在，鍾意食就食、訓馬路就訓馬路、想痾就痾、想交配就交配（只要唔好俾愛護動物嘅人捉到），幾Free⋯⋯」
可能，大家都會覺得，佢哋好似攞綜援咁，無咩前途。但宏觀成個香港，宜家做咩係有前途？想出名大把博客KOL做緊食物鍊嘅底層等上去，想無良心啲去賺政府錢，又有班俾你更無人性嘅賣港份子阻住你發達，想有良心啲去做反對派，又發現你只可以「投票」、「行街」或者「捐錢」，之後就咩都唔可以做。
成日都話時勢造英雄，我就覺得宜家香港嘅社會，你想發達就即係等如你收咗工，想係地鐵呢程車到好好地休息下一樣，但係中環開出嚟嘅地鐵，你係金鐘走，唔好話坐，想正常時間過到海返屋企都唔得！去灣仔都死喇！所以話香港繁榮咁耐，大家就捱足咁耐，香港有幾多錢關我哋Q事咩？有邊樣著數香港人嘅波皮
係有好多人情願投過胎，去中環上車，掙住想坐嘅人都大把，就算俾你坐到，你望住「關愛座」將貼紙，你會發現自己好似坐咗係老細張大班椅到，包受壓力，神經緊張，因為你唔知幾時有個「善心人」走嚟挑你機：
「做咩唔讓座！」
之後可能你會同佢嘈，但一個正常嘅打工作，辛苦咗一日之後，理論上係已經唔想再講任何嘢，只好死死氣企起身，跟住你先發現到，原來個「善心人」只係想俾佢個活潑到癲嘅孫仔坐定定係到，唔好俾人撞親。然後最激氣嘅係，個死靚仔係唔想坐，會係到糾纏講價，佢會覺得宜家係玩嘅時候，上完補習坐得咁辛苦，點可能去到地鐵都係坐先得架！
可能到呢一刻你會一腳伸開個靚仔到車尾，甚至會擅用個氣窗，用盡方法將個「善心人」掉出去，不過都係個句，辛苦咗一日，邊有咁多精神，諗下之後食咩好過喇，雖然放生咗個細路之後，佢嘅坐唔定都直接影響到側邊個兩位，但都無辦法。鬼叫你無上一代包庇你咩。
社會就係咁，其實你幾努力都好，就算好似誠哥咁日日穿膠花，你都無咩機會賺到第一桶金。而第一桶金往往都係嚟自你老豆個庫房跌出嚟嗰嚿金仔，最重要係佢嘅人脈同地位，無唸啲嘢，你白手興家都好喇，咪又係被人撳住搶晒啲金。(唔係其他人點發達)
所以發達真係唔洗靠努力架，你想努力唔係唔得，不過成功機會真係好低，最多夠你搵到餐飯食，餓你唔死最多訓天橋底。個時咪安安份份等運到囉……成個世界都係咁嘅時候，又何必要迫自己，加入佢哋呢個人食人嘅世界呢？
有機會就抽身離場喇……
完
作者：多媒體廢作人
作品：2016《叛神軍團》、2016《Slow Music》、2016《筆示驅魔傳》、2017《DSE幻想校園》、2017《格子控的執著》、2018《混個半神當就這麼難嗎？》。個人網：https://andy729hui.like.community/
新開始一個項目《粵音估歌仔》，有興趣可到「挑戰菜單」玩玩！
