我用鉸刀剪tiāu過去 ê pháiⁿ-mi̍h-á
我用鉸刀剪tiāu思戀 ê 滋味我用鉸刀剪tiāu內心 ê 空喙
想欲放bōe記得
毋過
就是剪bōe tiāu 心疼ê感覺
是hiah-nī-á 真
Che 敢是天公伯仔對我 ê 創治?
白話字版
Góa iōng ka-to chián tiāu kòe-khì ê pháiⁿ-mi̍h-á
Góa iōng ka-to chián tiāu su-loân ê chu-bī
Góa iōng ka-to chián tiāu lāi-sim ê khang-chhùi
Siūⁿ-beh pàng bōe kì-tit
M̄-koh
Tō-sī chián bōe tiāu sim-thiàⁿ ê kám-kak
Sī hiah-nī-á chin
Che kám-sī thiⁿ-kong peh-á tùi góa ê chhòng-tī?
*刊登tī掌門詩社NO.81(2022/5月)
