退咗休，真係乜都細藝，狗屎垃圾都要搵啲做，我阿媽咪就係似肥仔阿媽， 最叻就係買衫，其他就係用把口去叫人做，人哋唔幫佢做，唔願意幫佢做佢就發脾氣。
我媽出咗院之後，身體都好差，成日都冇氣，面色好差，我都覺得佢可能今年唔得㗎喇，睇吓會唔會到個心臟起搏器個電池。但係我都真係好不孝好不孝咁樣講一句，我淨係同你同另一個大學同我講，其實我媽死咗，可能對我哋屋企嚟講係仲好。我而家真係希望到佢走嗰時，幾日內搞掂，唔好要我老竇最後嗰10幾20年，日日去醫院幫佢轉身抹身清理大小二便。
依家我老竇終於退休，成日都想跟我哋去報團旅行，但係我媽係唔俾佢去，因為佢本人自己身體太差去唔到，就要老竇陪住佢。
