以下係我親身經歷，如有雷同……未必係巧合
我本身是在香港出世,有啲記憶，唔係恐怖，而係想起都會令人心寒。
但如果唔係親身經歷，我都唔會相信，世界上真係有啲睇唔到嘅存在..........
呢個故事，發生喺我細個嗰陣。我由出世開始，就住喺一棟舊樓。仲一直陪住我長大。」
細個嗰陣。對面，就係一排舊式工廠大廈。白日人來人往，但一到夜晚，就靜到有啲唔自然 嗰度，成日火燒。
嗰晚放學之後，我喺廚房幫媽媽洗碗。 廚房個窗，啱啱好對正工廠。
水聲一直響住， 但唔知點解，我總覺得外面，有嘢唔對路。
當時是在晚上,所有人都放工,整座大厦沒有人,工廠入面好黑，冇燈，靜到有啲唔自然。但唔知點解，我總覺得入面好似有人。
我再望清楚啲,喺工廠大廈四樓左右嘅平台，見到一個『人形』嘅物體。
佢企喺度，一動不動。而且，佢望住嘅方向正正望住我屋企左面」
遠遠睇，好似係一個男人,但奇怪嘅係佢成個人都係白色。
唔係着白衫， 係連皮膚、面、甚至輪廓， 都白到冇一絲顏色。
好似……一個蠟像,但再望真啲，我先發現佢唔止係白。係一層層白色，好似蠟咁，但最恐怖嘅係佢仲係企喺度。
我停低咗手，望多兩眼。水仲一路流住，但我已經冇再洗碗。
「當時我都不知道發生什麼事，後來 忍唔住叫：『媽……你過嚟睇下。』
佢有啲唔耐煩：『做咩呀？』我冇轉頭，只係一直望住窗外，
慢慢講： 『對面……有個人, 好似蠟像咁。』
佢問：『喺邊度？』媽媽探頭望出去,望咗幾秒，
佢好平靜咁講： 『冇嘢喎，邊有人？』
我個心即刻沉咗落去。因為我仲清清楚楚見到， 嗰個溶緊嘅『人』， 企喺原位直直咁望左面,
『媽……佢仲喺度，冇郁過，你睇唔到咩？』
我指住同一個位置，但媽媽冇即刻答我。媽媽話「唔好指! 唔好再望」
「媽媽冇再回應我講嘅嘢， 只係低聲講咗句： 『快啲洗完碗，出去廳啦。』
停咗一停， 佢又補多句： 『唔好再望住嗰邊。』
直到而家，大個咗再諗返， 我都從來冇忘記過嗰一晚。
因為我好清楚 嗰唔係錯覺,係我親身經歷過嘅事。
