卡西亞

請問什麼是卡西亞？關於AI，chatgpt香港唔係好用到，又要翻墻又要乜乜，所以我都係用deepseek比較多。

人真係好奇怪，家人親戚互恨互愛。我阿媽有一班酒肉朋友，成日想跟佢哋一齊去玩，一班師奶，但係一個都冇嚟送佢一程，反而就係親戚同喺條村一齊長大嘅村民，就算平日幾唔常聯絡都有嚟。

其實我宜家都真係有啲擔心，我相信我係屋企最後一個死人嚟㗎啦，到時候可能真係要麻煩我堂細佬啲子孫幫我搞後事。

講吓工作，我覺得我喺公司已經建立咗俾人尊重嘅程度，係我咁多年工作累積返得到嘅，換句話講，我而家講嘢會有say，可以左右我老細嘅一啲決策，例如公司裏頭嘅人手安排，甚至乎係中醫醫院裡面中醫師人工嘅結構，我都可以表達意見。 其實公司裏頭最機密嘅就係人手安排同埋錢，呢兩樣嘢我而家正正慢慢做緊，係有滿足感嘅。

除此之外，我都冇乜野特別。嚟緊呢年嘅計劃，我就想買高端醫療保險，之後隔一年半載，我就去做身體檢查。

5月頭會同朋友去首爾，醫美初體驗，放心，我一定唔會打針，純粹想做高能量facial提拉緊緻面部皮膚，仲有好想去做色彩測試，化韓妝影寫真，呢啲其實應該係後生嘅時候做，而家四張先走去做。

請問你有冇退休金？你自己做生意有冇要求做退休金俾自己， 我諗住60歲退休。所以剩返18年工作時間，如果退休後仲有20年命，而家就真係要好好諗一下退休錢，想生活質素keep住每月有2，3萬洗下，得閒去下旅行。

仲有呀，出年我真係唔想再逗利是喇，好肉酸。