一、
我定定坐葛瑪蘭客運，前一站仔聽著司機的歡迎詞有：「中午好！」按呢講敢會使？想欲共公司講我的意見，誠貧惰。
過幾若禮拜，閣聽著一擺：「晚上好。」我擋袂牢，揣著in的網站的電子信箱，寫批去：
「有少數的駕駛員出現：「晚上好」、「中午好」等問候語，那些話語是外來語，不是台灣的說法，尤其貴公司強調的是宜蘭在地的企業，出現那樣的說法是很不妥當的，聽起來很不舒服，麻煩提醒駕駛員們，注意自己的說詞。
那些話不是時髦，跟上流行，或是知識多，是別的國家的說法，不要用。
謝謝！」
批發出去，毋知影有收著無？無回覆。無要緊，若閣聽著，閣再寫。其實嘛會使咧落車的時直接共司機講，較規氣，愛看我當時有想欲講無？
二、
風颱來前一暗，已經發布第２工停班停課，礁溪的鄉民代表佇伊的面冊頂懸提醒逐家注意安全，貼文的一開始出現：「……晚上好……」
彼个代表，咧選舉的時陣，我佮伊開講過，落尾伊辦活動的時，我去參加，伊捌我。
過了幾若工，想著伊是代表耶！毋是普通人，我寫面冊的私訊予伊：
「……請不要這麼寫，我覺得很奇怪，這也是一種文化入侵，我們要有意識地避免在不知不覺中自己被拉走了喔！
這是我的想法，說出來，參考喔！不好意思。」
遮仔公共服務的公司，抑是人，我看著無妥當的代誌就是欲講，表達意見，哈！
