咁勁，我宜家完全零運動，你小心啲，唔好咁跑得咁盡力，好多人衝線嗰下就死L咗。
我最近有個苦惱，就係我家姐成日都問我借錢，雖然佢係會還。十次有九次，我係唔會問佢用嚟做咩事，就即刻過數。但如果你稍稍有表示唔願意借錢俾佢，佢就會發窮惡，就話對我好失望。最近，佢問我借2萬蚊，10分鐘內我已經過數俾佢，一句都冇問。隔幾日佢話想報一個編織日本團，叫我資助佢，我就話嗰2萬蚊你淨係還萬2蚊俾我，我資助你8000。但我今次有同佢講，請佢短期內唔好再問我拎錢，因為我自己都要儲錢。
隔幾日，佢又話要幫媽咪做佛事點燈，話自己冇錢。 跟住我就話我借俾你嗰2萬蚊呢？跟住佢就發窮惡，一輪嘴話我，少少錢都唔肯幫媽咪做佛事，對我好失望。跟住我真係話返佢，佢就冇再講嘢。
幫媽媽咪做佛事錢嗰度，其實系800蚊，800蚊，我梗係肯俾到啦。但係我心諗，你都40幾歲啦，800蚊都攞唔到出嚟，啱啱仲要問完我借2萬蚊，還你問多兩句，又話好似驚佢唔還錢咁發惡。
我都想絕情啲，如果以後佢再問我借錢，我都真係唔想再借俾佢。
