《我嘛受傷矣！》
幾若個月了後，我才發覺我嘛受傷矣！只是一直無注意，一直咧回答伊的問題，斟酌伊的情緒，敢若伊是「受害人」，較可憐、無辜、需要幫助，無想到這段期間，我聽所有歹聽的話、體剔（thé-thak/thué-thak—責備、責罵）、質疑、教訓……，伊一遍一遍講，敢若魔音傳腦仝款，袂使叫伊莫講（講出來對伊較好），嘛袂使佮伊冤家（無冤家的氣氛，而且我認為冤家是無好的），譀譀仔期望「講完這次就好了」。
敢若我提出欲愛開放式關係是我的毋著，我愛承擔所有的責任。我老實講出我的需求，嘛講伊若是袂當接受，咱就分手，伊袂接受我愛的方式，閣毋願分手，一直對我宣傳一對一關係的應該佮好處。想著遐的洗腦的話，真正有受傷，有對伊講過一擺「我有受傷」的話，伊有會失禮，毋過代誌攏過去矣！
遮的過程，我體會到，欲進入戀愛真簡單，一个感覺著就會使；若欲退出，足困難，毋知影這敢是行到最後的一步？抑有，我無願意做彼个「主動」提出的人，干焦主動提出就愛揹誠濟的責任佮體剔。
上尾仔猶是我開喙，會出現這種結果—我無感覺矣！毋是我事先料想會到的。原來，伊共我對Ｄ的火舞化去，連帶對伊、對所有的火攏熄去矣！彼是仝一把火、仝一件代誌，袂使分開。唉！若無經驗過，啥人會知影？就是知影，嘛做袂到，譬如：歹情緒毋好對伴侶發作。
《幾若個月後》
最近伊逐禮拜來台北，下個月（2018年3月）可能開始一個月來２擺，會按怎？到時才閣講。
伊猶是無明白啥物叫做「分手」？做伙時的改變我愛捷捷提醒，劃出清楚的界限，伊一直回想、檢討過去的種種，而且共代誌的前後順序摻摻做伙，「如果當時怎樣的話，就不會走到今天這個地步……」我說：「現在不用談這些了，那事都過去了。」閣有共我講伊佗一件代誌明白矣！做啥物改變……，唉！過去就過去，有的代誌是袂當踅頭的。
紲落來會按怎？我嘛毋知影，有誠濟的可能，未來是袂使預測的，等我的氣力恢復了後，想欲有愛情，愛家己去揣、去追求，若無遐爾仔想欲愛，就好好仔共家己的日子過好就好。我感覺愛情只是人生中的一部份爾爾，而且牽拖到其他的人，毋是我會使定做的，只要好好仔過這馬（今仔日），就會一直好落去。
《對話摘抄》
摘抄（tiah-tshau—摘錄）一寡仔對話當做紀念。
啥人較痛苦？
伊：我比較痛苦。
我：你的痛苦在分手後開始，我的痛苦在前面。
誰愛得比較多？
伊：我愛妳比較多，妳愛我比較少。
我：無法量化、比較的，愛的部份和深度，每個人不一樣。
我：當時（2015年提開放式關係時）分手比較痛苦，還是現在分手比較痛苦呢？
伊：當時會比較痛苦，因為情還在（正熱烈時）。（後來修正為都痛苦）
成長總是佇分手了後—
我有一个好朋友講：「總要分手了，才會成長，才學得到東西。」
伊：現在我明白了，聽進去了，真的接受了，但都太遲了。
我心內嘛按呢講：是太遲了。
我：這完全是我們2人的關係，和別人無關，還好，沒有別人出現，不是因為我認識別人而跟妳分手的。我們的關係從開始、長、盛、衰，到無力、死。
伊：我對妳的愛還在。
伊：妳很自私，要找別人
我：妳不讓我找別人，妳也自私。
我：我有不滿足的地方，坦白說出我的需求，想跟妳溝通好了再做。
伊：人不可能凡事都滿足，我也有不滿足的部份，我可以忍耐，或去做別的事情。
我：如果是以前，不滿足只有忍耐、偷吃或分手。因為我知道有不同的方式，我們並沒有不好，不用分手，只要找其他人滿足就好。
伊：我給的，妳不需要；妳要的，我給不起。
我：我給妳的，妳沒感覺到，我的心力浪費了。
我有一个朋友共伊講：「如果不接受的話，妳就沒有了。」
（華文寫於2018年;台文翻譯完2026.4.1.）
教育部台語辭典，https://sutian.moe.edu.tw/zh-hant/
