Carpe diem ---《五爪的佮我》von 林美麗

五爪的佮我 von 林美麗

....原文是阿婆 ê 跤帛臭閣長 ê 哭呻文，這久翻新成做家己 ê 問甲骨髓，短短無到四冬沓沓滴滴一直踅翻身一樣米飼百樣人，別人 ê 甕肚，免我 uī 𪜶遐要意。這宛然林美麗老師分張 hōo 陳錦月女仕 ê「文章寫好先囥咧，拄著仔提來看，有無四序的所在才閣改，而且修改文章敢若樹仔咧剪椏。」一枝草一點露，人生短短愛 kā 時間匪類 tī Die Spreu von Weizen trennen（粗糠還粗糠，冇粟還冇粟）。

低路人無才調寫出讀書心得，總是我佮意這本以人生做本無濾鏡妝娗 ê 做戲，像狄更斯《雙成記》ê 這段話「彼是上美好 ê 時間，也是上漚搭 ê 時代，是智慧 ê 時代，mā 是歁欺 ê 時代，是信仰 ê 時代，也是憢疑 ê 時代，是光明 ê 季節，也是烏暗 ê 季節，是飽滇希望 ê 春天，也是使人絕望 ê 冬天，咱 ê 前途充滿一切，但是啥物 mā 無，咱一直向天堂伐，mā 向地獄行，總講一句，彼个年閣交這久 tī 這个時陣是遐爾仔無宛二體。」

〈五爪的佮我〉交我 ê 國中三年無宛二體，彼陣 ê 好朋友雅子因為十一指規年迵冬寒人制服外套不離身，起因彼是伊唯一有辦法 kā 豐臣秀吉指藏起來 ê 方法。

〈百日孝子〉ê 龜叨鱉趖 hōo 我想著地牛換肩𤆬來 ê 鬼鬼怪怪，十二冬後阿母俗事不插跟綴母娘去修行，我薄縭絲 ê 半路親人 mā 正式成做生份人 hōo 我第一斗實櫼感受啥物號做目睭無看較規氣 ê 幸福。

〈約會〉明玉 ê 期待 hōo 我想著斷線 ê 男女風吹步頻接線 ê 過了代，感受交明玉相𫝛 ê「水族箱內底的魚猶是踮櫥仔內就好，莫閣數念啥物大海啦！」踏出學校大門，人生就伐入「一人家代，公媽隨人祀」。

〈走揣〉ê 僻話 hōo 我想著林貴龍老師 ê《Thá-kheh》無遮 ê 老師 kā 聲音化做文字，伊真正成做話是風，揣無蹤，除了感謝猶是感謝。

〈明美的少女時代〉hōo 我想著大我十四歲 ê 大姊，選擇建教合作班 ê 伊押尾猶是選擇提早行入社會做社會人 ê 囡仔代。

〈彼个下晡〉ê 少年「阮母仔臺南山仔頂（Suann-á-ting）的人，我的台語講甲比恁較扭掠。不而過，我猶是較愛做外省的，外省人較受尊重。」hōo 我想著麗子、明子交我三个人明明獨我一位是芋仔番薯，呔討𪜶比我閣較認同「外省人」這个辭交這位少年相仝，敢是我 m̄ 捌蹛過眷村 ê 關係？

拍斷手骨顛倒勇，捷講喙會順，捷做手 buē 鈍。 M̄ 驚分 buē 清，只驚 m̄ 願分。 M̄ 驚文筆無雅緻，敢驚筆尖 m̄ 願磨。

寫台文是我 ê Carpe diem（享受人生 ê 每一秒）。